Mulej Alla tagħna,
kont fil-bżonn u ġejt nitolbok,
iżda llum xtaqt niżżik ħajr
li qajjimtni filgħodu mingħajr ma tlabtek,
tal-arja madwarna biex nieħdu n-nifs
u n-natura li permezz tagħha turina mħabbtek.
Nirringrazjak ta’ meta ħaristni
Waqt li kont qed nissielet mal-ħalel fil-maltemp.
Nirringrazjak ukoll ta’ meta kont miegħi,
waqt li xi persuna tatni l-ġenb.
Fuq kollox nirringrazjak,
li ħfirtli meta warrabtek.
(A)
Il-Mulej dejjem miegħi
anke meta nkun fil-ħazin;
Hu dejjem iħarisni.
Il-Mulej qatt ma jinsini
anke meta ma naħsibx fih;
Hu jibqa’ jiftakar fija.
Il-Mulej jibqa’ dejjem f’qalbi
anke jekk ma ngħix kif jixtieq Hu;
Hu dejjem lest jilqagħni.
(B)
“L-Ispirtu tal-Mulej fuqi”
Nixtieq Mulej,
li kont fis-sinagoga nisimgħek taqra l-Ktieb ta’ Isaija.
Iżda, nista’ niltaqa’ miegħek ukoll Mulej, minn ġo dari,
u nisimgħek fil-Kelma tiegħek.
Narak ukoll Mulej, fl-imjassrin li Int ġejt biex teħles,
fl-“għomja” fil-Fidi li Int ġejt biex tagħti d-dawl,
fil-maħqurin u l-fqajrin.
Għinni Mulej, sabiex jien ukoll niltaqa’ miegħek, aktar ta’ spiss,
u meta niltaqa’ miegħek taħt is-sura tal-fqir, tal-maħqur u tal-imjassar,
nilqgħek ġo dari.
(C)
Mulej,
int apprezzajtni daqshekk li ġejt fid-dinja għalija,
għinni napprezza lili nnifsi.
Int li ħabbejtni tant, għinni naħfer bħal ma taħfirli Int,
u nkun responsabbli ta’ dak li nagħmel.
Int li ridt tibqa’ fina permezz ta’ l-Ispirtu s-Santu,
għinni nkun xhieda tiegħek,
u nirrispetta lill-oħrajn.
Inti li tajtni il-ħajja u s-saħħa,
għinni sabiex inkun ta’ servizz għalik,
u fejn nara l-ħsara nagħmel il-ġid.
Grazzi tal-gwida li tajtni permezz tal-Knisja,
u nitolbuk għal ħutna li qed ibatu minn mard, ġuħ jew gwerer.
F’Mulej Wieħed Ġesu’ Kristu,
Ammen.
