Wara l-għabex
fil-friex
rajtna niġġerrew flimkien.
U subgħajja jħufu fuq
l-għoljiet ta’ ġismek
u jithennew fuq l-irtuba.
Flimkien,
bħal donnu jdejna ħfief fuq din it-tila.
Mbagħad,
bħal pittura sabiħa
li tiċċallas
ma’ dak il-ħoss kiefer tal-isverjalin…
Sabiex illum filgħodu b’libsa ntiera
mixjin f’direzzjonijiet opposti,
biex permezz ta’ sentenza,
darba għal dejjem,
l-għajjat li kien iweġgħani
jinbidel
fi skiet li jinfidli qalbi:
F’baħħ,
sa ma nerġa’ nħoss ix-xewqat
wara nżul ix-xemx.
