…eċċ … eċċ…

… meta tgħidli dwar id-dar tal-ġara,
it-tfal ta’ ħdejna,
it-triq ta’ maġenbna,
…eċċ … eċċ…

… meta tagħtini fjuri tal-imgħoddi,
muniti skaduti,
kotba b’paġni vojta,
…eċċ … eċċ…

… meta tgħidli dwar mużika stunata għalija,
letteratura diffiċli,
teatru bla udjenza,
…eċċ … eċċ…

… ngħidlek li qed tagħmel
bħal persuna mhux ċittadina,
eżiljata f’pajjiżha,
suldat li jiġġieled kontra pajjiżu
u l-gwerra tibqa’ sejra,
…eċċ … eċċ…

…ngħidlek ukoll
li dil-poeżija ma nafx ktibthiex għalik
jew inkella għalija.

Leħen il-Malti: Rivista tal-Għaqda tal-Malti – Universita’, 32/82, 2013, p.97

⟵ Lura